Rememore pri Somera Esperanto-kolegio en Doksy 1946-1952
ĉefpaĝo	Verda Voĉo
		"VERDA VOĈO DE DOKSY“ estis ciklostilita bulteno de la "Somera Esperanto-Kolegio“ en la urbo Doksy. Ĝi estis redaktata de Antonín Slanina en Esperanto, en la ĉeĥa kaj slovaka, komencis aperadi ĉiutage dum la daŭro de la "Kolegio“ 1947, kaj de post la 1-a de oktobro 1947 monate, dum la kursaro 1948 ree ĉiutage (t. e. 12-foje), poste, inter la kursaroj, laŭ bezono, por resti en kontakto kun la kursanoj kaj por organizi aliĝojn. Tiel ĝi fariĝis unika ĉiutaga ĵurnalo esperantista. La unuopaj numeroj estis plej ofte kvarpaĝaj. La bulteno aperadis ankaŭ, kiam la kursaroj okazadis krom en Doksy ankaŭ en la urboj Svit kaj Poprad (tie aperis sole du numeroj). Nur kiam la kursaro okazis en la urbo Kost (1953), la bulteno ne povis aperadi. Dum la kursaro en 1954 permesis la distrikta instanco eldoni sole kvar numerojn. La enhavo de la bulteno estas instrua, amuza, organiza. Ĝi superas plurajn gazetojn ankaŭ per tio, ke ĝi estis efektive legata de ĉiuj ricevintoj. 1947 1948 1949 1950